Ndeshjet Drita – Flamurtari dhe Gjilani – Trepça ’89 janë shtyrë për kohë të pacaktuar, ngase Qeveria e Kosovës ka pezulluar të gjitha aktivitetet sportive, përfshirë aty edhe futbollin.
Kampionatin e ka pezulluar edhe Federata e Futbollit të Kosovës, e cila ka dalë me një njoftim në të cilin thuhet:
Federata e Futbollit e Kosovës njofton opinionin dhe klubet anëtare të saj se në bazë të vendimit të sotëm të Qeverisë së Kosovës pezullohet kampionati i futbollit në të gjitha kategoritë në afat të pacaktuar deri në një vendim të ri.
Ky vendim vjen pas konfirmimit të dy rasteve me koronavirus në vendin tonë dhe si masë për parandalimin e përhapjes së këtij virusi.
FFK fton futbollistët, punëtorët sportivë dhe qytetarët në përgjithësi që të qëndrojnë të qetë dhe ta luftojmë së bashku këtë pandemi pa panik por me kujdes të shtuar.
