Një 69-vjeçar nga komuna e Suharekës mbrëmë ka ndërruar jetë në Klinikën Infektive në QKUK, i prekur me koronavirus.
Lajmin e ka bërë të ditur në raportin 24-orësh Klinika.
Sipas raportit, i ndjeri kishte pasur edhe sëmundje të tjera shoqëruese. Deri tash numri i të vdekurve në Kosovë nga COVID-19 ka arritur në 9 persona.
Raporti:
Sipas raportit 24-orësh, në Klinikën Infektive po trajtohen 53 raste pozitive me COVID-19, kurse janë shëruar 3 pacientë.
Gndja e pacientëve të sëmurë me COVID-19 është si vijon:
39 raste janë në gjendje stabile, 12 raste janë në trajtim me oksigjenoterapi dhe me përkujdesje intensive.
Në Mjekimin Intensiv të Klinikës janë 3 pacientë në gjendje kritike, prej të cilëve njeri është në oksigjenoterapi dhe në përkujdesje intensive, si dhe dy pacientë janë në ventilim mekanik.
Në Mjekimin Intensiv të Klinikës Infektive mbrëmë pas mesnatës ka ndërruar jetë pacienti 69-vjeçar nga komuna e Suharekës, i cili ishte pranuar me 10.04.2020 në gjendje të rëndë dhe kishte edhe probleme kardiake.
