Kryeministri i vendit, Avdullah Hoti është deklaruar para mediave pas takimit që zhvilloi me presidentin, Hashim Thaçi.
Thaçi dhe Hoti u takuan sot për herë të parë, pasi Hoti mori udhëheqjen e Qeverisë së Kosovës nga një koalicion i lidhur në mes LDK-AAK, NISMA dhe komunitetet.
Kryeministri Hoti deklaroi se bashkë me presidentin kanë diskutuar për procesin e dialogut, duke shtuar se Kushtetuta e Kosovës i përcakton rolet e të dyve lidhur me këtë proces.
Hoti poashtu ha se Përfaqësuesi i Posaçëm i Bashkimit Evropian për Dialogun Beograd-Prishtinë, Miroslav Lajçak vie nesër në Kosovë dhe se do të zhvillojë një takim me të për të diskutuar çështjen e dialogut.
“Lidhur me procesin e dialogut, gjatë javës që shkoi pata takime me gjithë partnerët e koalicionit u kam bërë ftesa edhe opozitës që të na dëgjojnë edhe sot i ftoj që të pranojnë të takohen, të na dëgjojnë çfarë kemi për të thënë për dialogun. Platformën për dialog e kemi bërë publike, atë qëndrim sot prezantova para presidentit dhe kërkova që të koordinohemi në këtë proces të rëndësishëm që s’është vetëm i kësaj qeverie, por i gjithë partive. Ashtu siç kamë thënë nga dita e parë, do të mundohem të krijojë konsensus për një proces që është tepër i rëndësishëm,pas 30 vjete jemi në pikën kur duhet të përmbyllim përfundimisht dhe të konsolidojmë pavarësinë e Kosovës në arenën ndërkombëtare. Është shumë e rëndësishme që të jemi bashkë në këtë proces. Ato çështje as nuk shtohet, Kushtetua është shume qartë kompetencat e mia dhe te presidentit janë të ditura edhe aktgjykimi i Kushteutës vitin e kaluar. Në kemi rolet e ndara, por në këtë proces është e rëndësishme të jemi të koordinuar së bashku”, tha Hoti, shkruan Indeksonline.
Ai tutje deklaroi se çdo punë që do të bëhet, do të jetë në përputhje me Kushtetutën e Kosovës.
“Lajçak nesër vjen në Prishtinë, do të kem takim me të që të prezantojmë këtë kam qenë në kontakt gjatë gjithë kohës me të dhe ambasadorët e tjerë të BE-së. Çdo punë që do e bëjmë vetëm në përputhje me Kushtetutën, rolet i kemi të qarta nga Kushtetuta. Jemi të gatshëm, kemi artikuluar qartë qëndrimin tonë si qeveri, kam komunikuar edhe me presidentin do të kem edhe takim me Shoqërinë Civile dhe shpejtë do të kemi komunikim edhe me Kuvendin e Kosovës sa i përket kësaj ne jemi të gatshëm”, përfundoi Hoti./Indeksonline/
