Këshilli i Prindërve të Kosovës konsideron se si përfaqësues të prindërve nuk janë konsultuar nga ana Qeverisë së Kosovës e cila ka nxjerr vendim për të përfunduar procesi mësimor me datën 18 dhjetor dhe për të filluar mësimi me datën 18 janar 2021.
“KPK-ja konsideron se gjendja e pandemisë nuk e ka rënduar procesin mësimor sa për ta marr qeveria një vendimi të tillë, i cili fare nuk shkon në interes të nxënësve ngase viti shkollor ka filluar me vonesë, punohet me orar të shkurtuar, dhe se interesi i nxënësve është që sa më gjatë të qëndrojnë në proces mësimor dhe jo të pushojnë pa nevojë 1 muaj”, thuhet në reagimin nga Këshilli i Prindërve.
