Shoqata e Gastronomëve të Kosovës thotë se mjetet nga Ligji për Rimëkëmbje Ekonomike nuk pritet të ekzekutohen deri në vitin e ardhshëm.
Për këtë ata kanë kërkuar nga Qeveria që të lejohen të punojnë pa kufizime gjatë festave të fundvitit.
Sipas tyre, Qeveria planifikon të lirojë masat në tri netët e vitit të ri, ndërsa thonë se kjo nuk mjafton për bizneset e tyre.
Shkrimi i plotë:
Pas kalimit të Ligjit për Rimëkëmbje Ekonomike nga Parlamenti i Kosovës, ekzekutimi i tij pritet të ndodhë vitin e ardhshëm, që do të thotë mjetet të kalojnë në llogari të bizneseve, punëtorëve etj. vitin e ardhshëm.
Ne falënderojmë Qeverinë, Parlamentin dhe partitë politike të Kosovës për përkrahje, mirëpo gjendja jonë momentale është shumë e rënduar. Ne kemi nevojë për ju më shumë se çdoherë tjetër. Kemi nevojë të mbijetojmë edhe në këtë fundvit!
Lusim Qeverinë e Kosovës të na lejojnë të punojmë! Jemi pranë festave si për qytetarët e Kosovës, po ashtu edhe për diasporën, duam të ju qëndrojmë më afër në kohë më të gjatë pune dhe sado pak ta përmbyllim së bashku një vit të brishtë, duke u mundësuar kështu edhe bizneseve të mbijetojnë. Është mundësia jonë e fundit që sado pak të mbesim në këmbë këtë vit.
Me tri lule nuk çel pranvera! Nëse qëndron ideja të lirohen masat vetëm për 3 net të vitit të ri, atëherë për ne si gastronom mos e bëni fare. Siç e ceka, me 3 lule nuk çel pranvera!
Edhe ekonomia njëjtë sikurse spitalet është rënduar tej mase, nëse ekziston dhe planifikoni lehtësimin e masave për fundvit, atëherë ne ju lusim ta bëni që tani!
P.S. Delevery duhet urgjentisht me u liru!
Nuk ka kuptim taksitë me punu edhe jashtë kufizimit të orarit ndërsa delivery jo. Delivery nuk është ndalu edhe në shumicën e vendeve të botës, sepse njerëzit janë lodhur dhe delivery është vetëm një ndihmës për gjithë ato nëna që përveç punës po kryejnë edhe rolin e mësueses e kujdestares.
Shoqata e Gastronomëve të Kosovës
