Lidhja Demokratike e Kosovës, ka mbetur pa asnjë asamblist në Komunën e Malishevës, pasi që të njëjtit kanë kaluar në mbështetje të Vjosa Osmanit.
Kryesuesi i asamblesë komunale në Malishevë Rrahim Morina dhe asamblistët Valon dhe Arlind Krasniqi, kanë dalë në mbështetje të Vjosa Osmanit.
Kjo u bë e ditur në një njoftim të vetë Valon Krasniqit.
Ndërsa në shpërndarjen e postimit të Krasniqit, që ia ka bërë deputeti, Haxhi Avdyli, e ka konfirmuar një gjë të tillë.
“Kryesuesi i asamblesë komunale në Malishevë Rrahim Morina, njëherit kryetar i nëndegës së LDK-së Astrazub, asamblisti Valon Krasniqi , kryetar nëndege në Bardh dhe Arlind Morina asamblist i bashkohen kauzës sonë të ndryshimit. Vazhdojmë…”, ka shkruar Avdyli.
