Policia e Kosovës edhe gjatë 24 orëve të fundit ka vazhduar me patrullimet në tërë territorin e vendit, për të parë nga afër se sa po zbatohen masat antiCOVID-19.
Gjatë ditës së diele policia ka gjobitur 703 qytetarë të cilët kanë shkelur këto masa.
Kujtojmë se mbrëmë Qeveria e Kosovës ka marrë vendim për masat e reja të cilat kanë hyrë në fuqi sot dhe do të zgjasin për 14 ditë.
Ndërkohë që vazhdon të jetë në fuqi vendimi për orën policore nga ora 22:30 e mbrëmjes deri në orën 05:00 të mëngjesit.
