Ministria e Shëndetësisë ka ftuar qytetarët të cilët e kanë marrë dozën e parë të vaksinës kundër COVID-19 AstraZeneca më 31 mars dhe ata që e kanë marrë vaksinën Pfizer më 12 maj që të maraqitën nesër në sallën “1 Tetori” në Prishtinë për marrjen e dozës së dytë të vaksinës.
Sipas MSH-së qytetarët që nuk janë pjesë e kësaj liste dhe që të njëjtit janë të vaksinuar me dozën e parë, janë duke u kontaktuar përmes telefonit për tu vaksinuar me dozën e dytë.
“Ftohen qytetarët e listës në vijim, të cilët e kanë marrë dozën e parë të vaksinës kundër COVID-19 AstraZeneca me datën 31.03.2021 dhe Pfizer me datën 12.05.2021, që nesër, e mërkurë, 9 qershor 2021, të paraqiten në sallën “1 Tetori”për marrjen e dozës së dytë, sipas termineve të caktuara në listën e bashkëngjitur në linkun më poshtë. Qytetarët që nuk janë pjesë e kësaj liste, por që gjithashtu janë vaksinuar me dozën e parë sipas datave të lartëpërmendura, janë duke u kontaktuar përmes telefonit, për tu vaksinuar me dozën e dytë”, thuhet në njoftimin e MSH-së./Zëri
Luten të ftuarit që t’i respektojnë terminet sipas listës!
