Një person ka vdekur pasi është rrokullisur me traktor në fshatin Shurdhan të Gjilanit.
Policia ka njoftuar se viktima kishte humbur kontrollin mbi drejtimin e traktorit dhe më pas është aksidentuar.
“Është raportuar se viktima mashkull kosovar derisa kishte qenë duke e drejtuar traktorin me rimorkio të ngarkuar me dru kishte humbur kontrollin mbi drejtimi e traktorit, si pasojë ishte rrokullisur dhe kishte pësuar lëndime vdekjeprurëse. Në vendin e ngjarjes kanë dalë njësitë policore dhe ekipi mjekësor, nga mjeku është konstatuar vdekja e viktimës”, njofton policia.
Me urdhër të prokurorit trupi i pajetë i viktimës është dërguar në IML për obduksion.
