Rexhep Kadriu pritet të rikthehet në garën politike, kandidatura mbetet ende e pa konfirmuar.
Sipas burimeve të Radios Star, ish-nënkryetari i Komunës së Gjilanit dhe ish-zëvendësministri i Infrastrukturës, Rexhep Kadriu, mund të jetë një nga kandidatët për deputet në zgjedhjet parlamentare të 28 dhjetorit. Edhe pse ende nuk është bërë e ditur se cilës parti politike i është bashkuar, emri i tij përmendet gjithnjë e më shpesh në skenën parazgjedhore.
Kadriu njihet si një figurë e konsoliduar në politikën e Anamoravës, me një karrierë të gjatë institucionale dhe me një profil të ndërtuar përmes funksioneve të rëndësishme që ka mbajtur më herët, si në nivel lokal ashtu edhe qendror.
Burime të afërta me proceset politike thonë se Kadriu pritet që shumë shpejt të dalë me një deklarim publik për orientimin e tij të ri politik dhe për listën në të cilën do të garojë në zgjedhjet e dhjetorit.
Me rikthimin e tij të mundshëm në skenën zgjedhore, hapet pyetja për opinionin publik:
A do ta mbështesni Rexhep Kadriun për deputet në zgjedhjet parlamentare të 28 dhjetorit?/Radio Star/
