I pari i Qeverisë, Ramush Haradinaj, thotë që tashmë nuk është mesjeta, që të bëhen kërcënime për shtetet, në këtë rast Kosovën për t’u kthyer në dialog.
Ai thotë se këto presione ndaj Kosovës po vijnë për arsye se BE-ja nuk po mundet që të kërcënojë Serbinë për t’u kthyer në dialog.
Haradinaj thotë se të gjithë duhet ta kuptojnë se Kosova nuk pranon që të shkelet më.
“Nuk është mesjeta më me kërcënime, me pasoja. Nuk kryhen punët kështu. Ne jemi vende të lira. Nëse Serbia qet kushte për mos me ardhë në dialog, na s’mundemi me e kërcënu Serbinë, hajde në dialog. Pra BE-ja nuk po mundet me e kërcënu Serbinë, me i thanë kthehu në dialog, atëherë po i bën presion viktimës, pra Kosovës që është më e vogël. Mendojmë që nuk është mesjeta, nuk janë praktika të duhura këto. Jo që nuk duhet të ketë pasoja për Kosovën, por mendoj që duhet ta kuptojnë të gjithë që… boll mo me e shkelë Kosovën, Kosova është viktimë”, ka thënë Haradinaj, raporton Gazeta Express.
Në këtë konferencë kreu i Qeverisë ka treguar edhe qëndrimet e këshilltarëve të Merkelit, duke treguar se ata i kanë kërkuar heqjen e taksës për të vazhduar dialogu. /GazetaExpress/
