Përmes njoftimit, LDK ka bërë të ditur se Abdixhiku është pritur nga kongresmeni demokrat, Dutch Ruppersberger.
Nga aty, kreu opozitar kërkoi mbështetjen e Kongresit për shndërrimin e bazës amerikane të Bondsteelit në bazë ushtarake të përhershme.
“Kryetari Abdixhiku me këtë rast kërkoi mbështetjen e Kongresit për shëndërrimin e bazës amerikane të Bondsteel-it në bazë ushtarake të përhershme. Kongresmeni Ruppersberg ka përkushtim të madh për rrugëtimin e Kosovës drejt familjes euroatlantike. Kontributi i tij në këtë drejtim do të jetë jetik për të ardhmen e sigurisë së popullit tonë. Kryetari Abdixhiku ftoi kongresmenin Dutch Rulpersberger për vizitë në Kosovë”, thuhet në njoftim.
