Këngëtari Afrim Muqiçi, përfaqësues i estradës në Odën e Hotelerisë, tha se mbi 50 mijë persona kanë mbetur të papunë në këtë sektorë.
Ai thotë se të gjitha rrugët institucionale janë shterur dhe se nuk kanë zgjidhje tjetër pos protestave, nëse nuk lejohej pamje e restoranteve dhe organizimi i dasmave nga muaji prill. Sipas tij, është i paarsyeshëm lejimin i aktivitet të tjera të ngjashme, duke shtuar se pronarët e këtyre bizneseve janë buzë “greminës”. “Humbjet janë të tmerrshme, rezultati është zero sepse po të na ishte lejuar të punonim si gjithë të tjerët nuk paska pasur me ndryshu asgja. Në këtë rast janë dëmtuar të gjitha bizneset ka salla të dasmave që kanë filluar të ndërtohen në fund të vitit 2019 dhe kanë përfunduar dhe të gatshme për punë, ka njerëz që paguajnë kredite, pastaj shqetësimi është që kanë mbetur shumë puntorë pa punë. Janë mbi 50 mijë puntorë të cilët faktikisht janë të papunë dhe janë buzë greminës dhe kjo është shumë shqetësuese”. “Neve nuk na ka mbetur më rrugë institucionale, do të thotë të gjitha janë shterrur, kështu që duhet edhe neve të na lejohet sepse jemi qytetarë të këtij vendi, ose të mbyllet për të gjithë e ta provojmë sepse vaksina nuk është askund, por nëse lejohet për disa të tjerë ku është logjika që të ndalohet për ne, dhe është dasmori ai që vendos se a mban apo jo dasmën”, u shpreh ai.
