Një aksident trafiku ka ndodhur në rrugën “Isa Boletini”, ku janë përfshirë dy vetura. Ngjarja ka ndodhur në një nga rrugët më të frekuentuara të zonës, duke shkaktuar shqetësim tek qytetarët dhe banorët përreth.
Sipas dëshmitarëve në vendin e ngjarjes, ky nuk është rasti i vetëm gjatë ditëve të fundit. Ata bëjnë të ditur se brenda një jave janë regjistruar dy aksidente në të njëjtin aks rrugor, gjë që e bën situatën edhe më alarmante.
Banorët shprehen të shqetësuar për sigurinë në këtë rrugë, duke theksuar se frekuentimi i madh i veturave dhe mungesa e kontrollit të mjaftueshëm po rrisin rrezikun për aksidente. Ata kërkojnë nga autoritetet përkatëse që të shtojnë prezencën e policisë dhe të ndërmarrin masa konkrete për të parandaluar raste të ngjashme në të ardhmen.
Ndërkohë, ende nuk ka informacione zyrtare për gjendjen e të përfshirëve në aksident./Radio Star/
