Zona e Anamoravës, e njohur për potencial të madh zhvillimor dhe për një traditë të gjatë të angazhimit qytetar, po hyn në një fazë të re politike me daljen në skenë të figurave të reja profesionale. Ndër ta, Arben Mustafa po spikat si një nga emrat më të përgatitur akademikisht dhe institucionalisht që ka nxjerrë ky rajon në vitet e fundit. Ai përfaqëson gjeneratën e re të profesionistëve kosovarë, të cilët e kanë ndërtuar karrierën e tyre mbi punë, integritet dhe aftësi të dëshmuara, ndërsa profili i tij akademik e pozicionon si një nga figurat më kompetente në fushën e ekonomisë dhe financave publike.
Përvoja e tij në Bankën Qendrore të Kosovës, si pjesë e ekipit profesional që punoi nën udhëheqjen e guvernatorit Bedri Hamza, e ka bërë Mustafën një ndër ekspertët më të njohur të mekanizmave financiarë dhe zhvillimit ekonomik në vend. Aftësitë e tij teknike, profesionalizmi dhe kontributi i vazhdueshëm në këtë fushë kanë bërë që emri i tij të përmendet gjithnjë e më shpesh në diskutimet rreth lidershipit modern dhe qasjes së re në qeverisje.
Gjilani dhe i gjithë rajoni i Anamoravës shihen si përfitues të drejtpërdrejtë të angazhimit të një figure si Arben Mustafa. Qasja e tij profesionale, vizioni i qartë për zhvillim dhe orientimi drejt transparencës dhe efikasitetit institucional vlerësohen gjerësisht nga komuniteti lokal. Për shumë qytetarë, ai përfaqëson një brez të ri liderësh që sjellin energji, dije dhe një filozofi moderne të të menduarit politik, duke u parë si një mundësi reale për ndryshim pozitiv e të qëndrueshëm në nivel lokal dhe më gjerë.
Me përgatitje solide akademike, përvojë konkrete në institucionet kyçe të vendit dhe reputacion të ndërtuar mbi profesionalizëm, Arben Mustafa po konsolidohet si një emër me peshë në skenën publike të Kosovës. Ai shihet nga shumëkush si modeli i një lidershipi të ri, të cilin Anamorava dhe Gjilani e kanë kërkuar prej kohësh./Radio Star/
