Policia e Kosovës në Gjilan ka arrestuar një person me inicialet A.K. (1988), pasi gjatë kontrollit në veturën e tij ka gjetur dhe konfiskuar një revole të llojit “Zastava”, një karikator dhe shtatë fishekë pa leje.
Rasti ka ndodhur sot rreth orës 08:30 në rrugën “Raif Halimi”, njofton Policia e Kosovës.
I dyshuari është arrestuar dhe shoqëruar në stacionin policor Gjilan, ku është intervistuar në bazë të procedurave ligjore.
Në lidhje me rastin është njoftuar Prokurori i Shtetit, i cili ndaj të dyshuarit ka lëshuar masën e ndalimit 48 orë dhe ndaj tij do të ngrihet kallëzim penal për veprën penale mbajtja në pronësi, kontroll ose posedim të paautorizuar të armëve.
