Një person është arrestuar pasi që i njëjti dyshohet se ka kryer veprën penale “Dhunim” në komunën e Gjilanit.
Policia ka bërë të ditur se i dyshuari është ndaluar në qendrën e mbajtjes për 48 orë, ndërsa hetimet për grumbullimin e provave janë duke vazhduar.
“Njësiti i Hetimeve të Përgjithshme nga Sektori i Hetimeve Rajonale në Gjilan, pas një hetimi intensiv dhe veprimeve të mirë organizuara operative, në koordinim të ngushtë me Prokurorinë e Shtetit, sot me datën 01.08.2025 ka arritur që të identifikojë dhe arrestojë të dyshuarin N.S. (viti i lindjes 1992, mashkull kosovar). Arrestimi i tij është bëtë si rezultat i hetimeve dhe krijimit të bazës së dyshimit se i njëjti ka qenë i përfshirë në veprën penale ‘’Dhunim’’, rast i cili ka ndodhur në fshatin Radivojc të komunës së Vitisë, i raportuar me datën 29.04.2025. Me vendim të Prokurorit të Shtetit i dyshuari është ndaluar në qendrën e mbajtjes për 48 orë, ndërsa hetimet për grumbullimin e provave janë duke vazhduar”, thuhet në njoftimin e PK-së.
