Policia e Kosovës, njësitet anti-drogë që veprojnë në Gjilan, pas pranimit të informatës nga njësiti i hetimeve nga pika kufitare “Dheu i Bardhë”, iu kanë përgjigjur rastit dhe ka dalë në vendngjarje ku ka takuar të dyshuarin, serb, shtetas i Serbisë, i arrestuar nga zyrtarët policor të pikës kufitare.
Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka bërë me dije se është njoftuar prokurori i shtetit, i dyshuari është intervistuar në prezencë të avokatit, ku janë gjet prova se sasinë narkotike e kishte blerë ne Kosove nga një person i panjohur.
Ai është sjellë në Gjilan, ndërsa është bërë matja e kësaj sasie të dyshuar narkotike e llojit heroinë, me peshë të përgjithshme prej 2.64 gram.
Me urdhër te prokurorit të shtetit nga Prokuroria Themelore, të njëjtit iu është lëshuar urdhri i ndalimit për 48 orë dhe rasti mbetet nën hetime.
