Avni Rudaku ju fton të bashkoheni në përurimin e librit të tij më të ri, “Përafërsisht”, më 12 nëntor 2024, ora 15:00, në Universitetin e Gjilanit.
Ky libër, i mbështetur nga Ministria e Kulturës, Rinisë dhe Sportit, është një pasqyrë me humor dhe ironi e sfidave moderne që sjell teknologjia, inteligjenca artificiale dhe ndikimi i pashmangshëm i rrjeteve sociale në jetën tonë të përditshme.
Në këtë përurim, do të gjeni një atmosferë ndryshe nga formatet tradicionale.
Avniu premton një ngjarje të shkurtër, argëtuese dhe me mundësi për pyetje e diskutime, pa fjalime të stërzgjatura. Përveçse do të keni mundësinë të njiheni me librin, çdo pjesëmarrës do të mund të marrë një kopje falas me nënshkrimin e autorit.
