Avokati Tomë Gashi mbrëmë ka folur për arrestimet e djeshme.
“Sa i përket arrestimeve, unë Ridvan Muharremin e njoh shumë mirë, nuk mund të them se a është i implikuar, e njoh si biznesmen”.
Për të arrestuarit për rezervat shtetërore, Gashi thotë se ka njohuri se për sot do të dalin para gjykatës.
“Ditën e nesërme (sot) do të vendoset për një masë a po jo. Do të dërgohen në gjykatë, që është procedurë e rregullt dhe do të shohim se çfarë fakte ka prokuroria. Prokuroria shpeshherë në raste të caktuara, fillimisht e arreston dikë e pastaj e heton”, tha ai mbrëmë në Klan Kosova.
