Kandidati për kryeministër dhe kryetari i PDK-së, Bedri Hamza, ka njoftuar përmes një postimi në Facebook se ka vizituar në Hagë ish-krerët e UÇK-së, Hashim Thaçin dhe Kadri Veselin.
Hamza ka theksuar se i ka gjetur ata në gjendje të mirë shëndetësore dhe me moral të lartë, duke e cilësuar procesin gjyqësor si të padrejtë dhe pranë përfundimit.
Ai ka shprehur pritshmërinë që vendimi final të jetë i drejtë dhe ka deklaruar se Kosova po i pret ata “me krenari”.
