Për t’i ndihmuar qytetarët që ta tejkalojnë më lehtë krizën ekonomike të shkaktuar, Partia Demokratike e Kosovës ka propozuar tërheqjen deri në 30 për qind të kursimeve pensionale.
Deputeti i kësaj partie, Bekim Haxhiu në emër të Grupit Parlamentar më 9 mars ka dorëzuar në Kuvend, Projektligjin për plotësimin dhe ndryshimin e Ligjit për Fondin e Kursimeve Pensionale, i cili do të mundësonte tërheqjen e këtyre mjeteve.
Ndërkaq, Kryeministri i Kosovës, Albin Kurti është deklaruar kundër tërheqjes së kursimeve nga Trusti, duke thënë se “kjo nuk është zgjidhje”.
Mirëpo, deputeti Haxhiu në një emision është shprehur se edhe lista serbe është pro tërheqjes së mjeteve nga trusti.
