Kandidatja për deputete nga PDK, Besianë Musmurati, me numër 25 në listë, ka shprehur mirënjohje për mbështetjen e jashtëzakonshme të qytetarëve, duke e cilësuar si dëshmi të angazhimit për një Kosovë më të zhvilluar dhe prosperuese.
Pas një aktiviteti madhështor të mbajtur në sallën më të madhe në Kosovë, e cila ishte e mbushur plot me qytetarë, Musmurati ndau një mesazh entuziast për energjinë pozitive dhe besimin në një të ardhme më të mirë për vendin. Ajo vlerësoi këtë mbështetje masive si tregues të vullnetit të popullit për ndryshim dhe përparim.
Musmurati theksoi rëndësinë e Partisë Demokratike të Kosovës si forcë udhëheqëse në zhvillimin e vendit, duke premtuar angazhim maksimal për mirëqenien e qytetarëve. Në përmbyllje, ajo u shpreh optimiste për suksesin e kandidaturave të PDK-së, duke nënvizuar se qytetarët janë të vendosur për ta çuar Kosovën drejt një të ardhmeje më të ndritur.
