Sot bllokohet rruga nacionale në dy intervale Ministria e Infrastrukturës përmes një komunikate për medie ka njoftuar se sot do të bllokohet rruga Nacionale Kaçanik – Hani i Elezit. Kjo sipas Ministrisë së Infrastrukturës vije për shkak të disa ndërhyrjeve që do të ndërmerren, me qëllim të sigurisë në komunikacion.
“Rruga nacionale N2, që lidh Kaçanikun me Hanin e Elezit dhe pikën kufitare me Maqedoninë, do të jetë e bllokuar prej orës 9:30 deri në 11:30 dhe pasdite nga ora 13:30 deri në ora 16:00”, thuhet në komunikatë. MI përmes kësaj komunikate ka lutur qytetarët të shmangin qarkullimin në këtë rrugë për kohën e përcaktuar./21Media
