Më datë: 27.02.2026, Bordi i Drejtorëve i KRU “Hidromorava” Sh.A. mbajti Mbledhjen e dytë (II) të rregullt për vitin 2026, në të cilën u trajtuan dhe u miratuan dokumente me rëndësi të veçantë për funksionimin, performancën dhe zhvillimin e qëndrueshëm të Ndërmarrjes 🚰.
Në këtë mbledhje, Bordi shqyrtoi dhe miratoi pikat kryesore në vijim:
Raporti i Punës për Tremujorin e Katërt (TM-4) për vitin 2025, si dhe raportimin e Komisionit të Auditimit lidhur me këtë raport, duke analizuar performancën operative dhe financiare, realizimin e objektivave dhe sfidat e hasura gjatë kësaj periudhe.
✅ Raporti Vjetor i Punës për vitin 2025, i shoqëruar me raportimin e Komisionit të Auditimit, ku u vlerësuan rezultatet e arritura gjatë vitit, niveli i përmbushjes së planit të biznesit dhe progresi në përmirësimin e shërbimeve ndaj konsumatorëve.
✅ Raporti i Punës për muajin janar 2026, me theks në aktivitetet operative, investimet në infrastrukturë dhe masat e ndërmarra për garantimin e furnizimit të qëndrueshëm me ujë për të gjitha zonat e shërbimit 💧.
✅ “Raporti për vlerësimin e rrezikut, përfshirë rrezikun e mashtrimit dhe rrezikun fiskal”, si dokument kyç për forcimin e kontrollit të brendshëm, menaxhimin proaktiv të rreziqeve dhe rritjen e transparencës institucionale.
✅ Draft Raporti mbi Hulumtimin e Kënaqshmërisë së Konsumatorëve për vitin 2025, i cili paraqet nivelin e perceptimit të konsumatorëve mbi cilësinë e shërbimeve, komunikimin dhe reagimin institucional, duke shërbyer si bazë për përmirësime të mëtejshme 📊.
✅ Rregullorja për pagat, kompensimet tjera dhe stimulimet në KRU “Hidromorava” Sh.A., me qëllim të rregullimit të drejtë, transparent dhe të qëndrueshëm të sistemit të shpërblimeve dhe motivimit të stafit, në përputhje me legjislacionin në fuqi.
💧 Bordi i Drejtorëve dhe Menaxhmenti rikonfirmuan përkushtimin për avancimin e qeverisjes korporative, forcimin e mekanizmave të kontrollit dhe ngritjen e vazhdueshme të cilësisë së shërbimeve ndaj qytetarëve.
📈 KRU “Hidromorava” Sh.A. mbetet e fokusuar në rritjen e performancës, menaxhimin e qëndrueshëm të burimeve ujore dhe ofrimin e shërbimeve cilësore, të sigurta dhe të besueshme për të gjithë konsumatorët në zonën e saj të shërbimit.
