Kryetari i Komunës së Gjilanit, Lutfi Haziri, ka pritur në takim kryetarin e Kuvendit Komunal të Bujanocit, Adnan Salihu dhe kryetarin e ri të Lëvizjes së Progresit Demokratik (LPD), Shqipërim Musliun.
Kryetari Haziri e ka uruar Musliun për zgjedhjen në krye të LPD, sikurse që ka shfaqur zotimin e vazhdimit të bashkëpunimit të Komunës së Gjilanit me atë të Bujanocit.
Në takim, kreu i Gjilanit ka konfirmuar se në kuadër të manifestimit “Flaka e Janarit 2019”, do të organizohet akademi përkujtimore në 1-vjetorin e vdekjes së veprimtarit të çështjes kombëtare, Jonuz Musliu.
Kryetari i Kuvendit Komunal të Bujanocit, Adnan Salihu dhe kryetari i Lëvizjes së Progresit Demokratik , Shqipërim Musliun, e kanë falënderuar kreun e Gjilanit për pritjen dhe zotimin për bashkëpunim mes dy institucioneve.
Në fund, përfaqësesit politikë të Bujanocit kanë ftuar kryetarin Haziri për vizitë në Bujanoc në ceremoninë e shënimit të 28 nëntorit.
