Në prag të një jave të mbushur me pasiguri dhe emocione të forta për drejtimin që po merr vendi ynë, një zë nga shoqëria civile ngre shqetësimin për mungesën e kthjelltësisë dhe përgjegjësisë kolektive.
“Po hyjmë në një javë ku emocionet mbizotërojnë mbi arsyen, dhe ku qytetarët e këtij vendi ndihen të humbur në mjegullën e zhvillimeve politike dhe shoqërore. A mund të ndalemi për një çast? Të mendojmë mirë dhe të veprojmë drejt — për vendin tonë, për fëmijët tanë?”
Aktivisti bën thirrje për reflektim dhe veprim të përgjegjshëm, duke theksuar se, nëse jo për vete, duhet të mendojmë për gjeneratat që po rriten në një realitet shpesh të paqartë dhe të padrejtë.
“Fëmijët tanë nuk e kanë fajin. Ata meritojnë një të ardhme më të drejtë, më të ndriçuar. Nëse për asgjë tjetër, le të bëjmë më të mirën për hir të tyre.”
Ky apel nuk është vetëm një reagim emocional, por një thirrje për vetëdijesim dhe mobilizim qytetar, në kohën kur vendi ka më shumë se kurrë nevojë për kthjellësi dhe përgjegjësi morale.
