Në një deklaratë të mëhershme se kishte arritur t’i bindte ish-presidentin e Kosovës, Hashim Thaçi dhe ish-presidentin serb, Aleksandar Vuçiq për shfuqizimin e Gjykatës Speciale, deputetja serbe, Marinka Tepiq, i është kapur së fundmi ish-emisarit të SHBA-së, Richard Grenell, përcjell Gazeta Express.
Në një seancë të Komisionit të Kuvendit të Serbisë për kontrollin e shërbimeve të sigurisë, anëtarja deputetja e Partisë për Liri dhe Drejtësi Marinika Tepiq, siç raporton N1, iu referua një interviste të ish të dërguarit amerikan për dialogun ndërmjet Kosovës dhe Serbisë.
Ajo pretendonte se Grenell kishte deklaruar në intervistë se ai, Donald Trump, Aleksandar Vuçiq dhe Hashim Thaçi kishin arritur më parë një marrëveshje historike që përfshinte shfuqizimin e Gjykatës Speciale.
“A nuk mendoni se do të ishte mirë që ne ta dinim dhe Serbia ta dinte nëse kjo është e vërtetë apo zoti Grenell po përhap informacione të rreme për Aleksandar Vuçiqin? Le të na thotë mirë Grenell nëse është e vërtetë që Vuçiq ka bërë marrëveshje historike për t’i shfuqizuar gjyqet e UÇK-së për krime kundër serbëve? Thirrni edhe presidentin e Serbisë – e kam regjistrimin, mund t’ia lëshojmë, është një intervistë e madhe në një platformë publike amerikane, kështu që edhe në rast se ai shmang përgjigjen, ndoshta të paktën do t’u përgjigjet gazetarëve”, tha Tepiq.
Grenell iu përgjigj këtyre pretendimeve në një postim në “X”, duke shpjeguar se si ishte ideja, sipas tij.
“Kjo grua nuk e di se për çfarë po flet. Ajo nuk ishte e përfshirë fare. Ajo po nxjerr përfundime të shpejta pasi dëgjoi një intervistë. Ne kemi nevojë për politikanë që janë më seriozë në gjetjen e fakteve sesa të flasin para se të dinë. Fakti është se ideja ishte që secili vend t’i hetonte krimet e dyshuara dhe të merrej me to brenda vendit – jo përmes një gjykate ndërkombëtare jashtë vendit të tyre, por në Serbi. Është për të ardhur keq që ajo nuk beson në sovranitetin e vendit të saj”, shkroi Grenell.
This woman doesn’t know what she’s talking about.
She wasn’t involved at all. She is jumping to conclusions after listening to one interview.
We need politicians who are more serious about finding the facts rather than speaking before knowing.
The fact is the idea was to… https://t.co/dUJmU8IoZY
— Richard Grenell (@RichardGrenell) May 10, 2024
Tepiq reagoi duke thënë se Vuçiq po e nëpërkëmb sovranitetin e Serbisë dhe se fakti është, sipas saj, që Grenell “organizoi shfuqizimin e Tribunalit Ndërkombëtar për Krimet e UÇK-së”.
Në një intervistë të realizuar nga Donald Trump Jr., Grenell kishte folur se si e kishte ftuar presidentin e atëhershëm të Kosovës, Hashim Thaçi dhe presidentin e Serbisë, Aleksandar Vuçiq, në Zyrën Ovale të Donald Trump, me qëllim që të arrihet një “marrëveshje historike”.
