Detaje për vrasjen në Gjilan, dyshohet për motive të ulëta në mesin e familjarëve
Një vrasje ka ndodhur gjatë pasdites së djeshme në Gjilan, saktësisht në fshatin Vërbicë e Zhegocit.
Jetën ka humbur një 24 vjeçar. Vrasja dyshohet të jetë bërë për motive të ulëta që kanë pasur mes vete viktima dhe dy të dyshuarit.
Policia e Kosovës në Gjilan përmes telefonit ka pranuar një informatë për një rast “Vrasje”. Pas pranimit të informatës njësitet e stacionit policor të Gjilanit dhe Hetimeve rajonale i kanë ndërmarr të gjitha veprimet primare për zbardhjen e këtij rasti, si dhe menjëherë është njoftuar dhe prokurori i shtetit. Në vendin e ngjarjes krim teknika ka bërë procedimin e vendit të ngjarjes, si dhe janë ndërmarr masa rreth mbledhjes së informacioneve lidhur me incidentin. Në vendin e ngjarjes ka dalë mjeku kujdestar dhe fatkeqësisht vetëm ka mundur ta konstatoj se viktima A.N.(1994), ka qenë pa shenja jete, dyshohet nga shkrepja e armës së zjarrit. Policia ka arritur që ti arrestoj dy të dyshuarit shqiptar shtetas të Kosovës banor rezident të fshatit Verbicë e Zhegocit B.N. (1971), si dhe A.N.(2002) ata janë sjellë në stacion policor, ku janë intervistuar në prani të avokatëve mbrojtës, po ashtu në vendin e ngjarjes është konfiskuar një pushkë e gjuetisë me të cilën dyshohet se është kryer vrasja, arma është konfiskuar në cilësi të provës materiale”, thuhet në komunikatnë për media.
Gjithashtu thuhet se janë identifikuar disa dëshmitar okular, të cilët po ashtu janë intervistuar nga ana e hetuesve policor, kurse në ndërkohë në vend ngjarje ka ardhur prokurori i shtetit dhe IML-ja të cilët me urdhër të prokurorit të shtetit, trupin e pa jetë të viktimës e kanë dërguar për autopsi.
“Ndaj dy të dyshuarve nga ana e prokurorit të shtetit është lëshuar aktvendimi mbi ndalim prej 24 orëve për të dyshuarin kryesor të miturin A.N.(2002), si dhe 48 orëve për të dyshuarin tjetër. Dyshohet se kësaj ngjarje të rëndë ti kenë parapri mosmarrëveshjet dhe motivet e ulëta që kanë pasur në mes vete viktima dhe të dyshuarit. Hetimet rreth këtij rasti të rëndë janë në vazhdim”, përfundohet në njoftimin për media.
