Njoftohen të gjithë qytetarët e Komunës së Gjilanit se me datën 20 shtator 2018, organizohet aktiviteti “Dita pa Makina”, me simbolikën që të përdoren më tepër mjetet që nuk e ndotin ambientin.
Agjenda
Ora 10:00 fillon ngjarja para shtatores së Rexhep Malës e Nuhi Berishës, ku kryetari i Komunes se Gjilanit, Lutfi Haziri, do t’u drejtohet të pranishmëve me mesazhin për ruajtjen e ambientit, së bashku me U.D. ministrin, Fatmir Matoshi,
Ora 10:30 deri në ora 12:00 është lëvizje me bicikleta nga Xhamia e Madhe, deri te Universiteti “Kadri Zeka”,
Për njoftim të qytetarëve të Komunës së Gjilanit, segmenti rrugor nga Xhamia e Madhe deri te universiteti “Kadri Zeka”, do të jetë i bllokuar për qarkullimin e veturave nga ora 10:00 deri në orën 12:00.
Gjithashtu piktorët nga ora 10:00 deri në ora 12:00, në sheshin Rexhep Mala e Nuhi Berisha, do të punojnë piktura me tematikë që ka qëllim ruajtjen e ambientit dhe promovimin e qarkullimit pa makina.
