Ka disa ditë që në media janë shpërndarë lajme për protagonistët e videos që në publik u njohë si ‘a bën me fol’.
Videoja u bë shpejt virale dhe u përdor për qëllime qesharake, ndërsa në anën tjetër u shpërndanë video se djaloshi që ishte pjesë e videos kishte lënë studimet shkaku i përqeshjeve.
Një person pa foto të profilit në rrjetin social Facebook, i quajtur Ilir Hajraj ka shkruar një postim ku ka thënë se ai është djaloshi tek videoja ‘a bën me fol’.
Përmes këtij statusi ai ka thënë se ka dashur të thyejë heshtjen pas dezinformatave të shumta në publik se gjoja ai ka lënë studimet dhe familja e tij nuk kanë kushte financiare.
Hajraj ka thënë se këto lajme nuk janë të vërteta dhe që nga sot e tutje, kushdo që shpif në emër të tij apo familjes të tij, do të përballet me të në gjykatë.
Djaloshi ka bërë të ditur për opinionin se ai vazhdon studimet ku edhe ka fituar bursë dhe se familja e tij janë shumë mirë financiarisht./zëri/
Ja postimi i plotë:
Mjafte eshte mjafte, çdokush duhet t’i dije kufijte e tij!
Une jam djaloshi i shume folur per videon “a ben me fol”. Kjo video qe eshte bere 3 vite me pare, u interpretua ne menyra te ndryshme nga shume njerez, kryesisht u shoqerua me perqeshje. Fatkeqesisht, aftesia e vetme e ketyre njerzve pas deshtimit ne jeten e tyre u ka mbetur perqeshja me njerez , permes ketyre veprimeve ndjejne kenaqesi sepse nuk u ka mbetur vend tjeter se ku ta gjejne ate. Ne te gjithe e dime se secili prej nesh bene gjeste te tilla e ndoshta ende me qesharake, aq me shume ne nje situate festive me shoqeri kur veprime te tilla ndermerren me shume sportivitet, po ja qe kete here mua me ndodhi qe ky gjest te behet publik nga ana e mediave, edhe me keq me vjen per shoqerine tone qe merret me keto gjera. Sa u perket PORTALEVE te cilat ne çdo menyre mundohen te perfitojne, ju them se jam shume mire, dhe studimet po me ecin shume mire fale Zotit, jam ne perfundim te studimeve, madje kam fituar burse per vazhdimin e tyre jasht vendit, dhe nuk kam asnje problem me FINANCIM, faleminderit Zotit. Sot pash se portale te shumeta kane publikuar lajme te paverteta se gjoja nje familjare i imi ka deklaruar se une jam ne gjendje te veshtire financiare, se une jam student ne kolegje private e lajme tjera, une deklaroj se jane totalisht te paverteta dhe keto behen per ta shftytezuar rastin per te perfituar. Pasi çdo gje po teprohet, dhe heshtja ime po keqperdoret, çdo kush tash e tutje do te paditet per çdo shpifje e cila shperndahet ne emrin tim.
Ju lus dhe ju jap afat 24h, qe te fshini çdo postim ne lidhje me mua pasiqe asnje nuk qendron, jane te paverteta dhe dezinformata. Perndryshe do te shihemi ne gjykate.
Ne pamundesi qe te i’u shkruaj secilit veç e veç, i’u lus ta shperndani qe te njoftohen te gjith me kohe.
Zoti na falte e udhezoftè.
Mbeteshi me shendet.
