Emër, jo numër!
Të nderuar qytetarë,
Në zgjedhjet e kaluara pata privilegjin të jem kandidati më i votuar në Gjilan — një besim që nuk e marr asnjëherë si të mirëqenë dhe që e konsideroj nderin më të madh të karrierës sime politike. Mbështetja juaj ishte e fuqishme, e qartë dhe e sinqertë. Edhe pse ajo garë nuk përmbyllet me mandatin e deputetit, ajo tregoi diçka shumë më të rëndësishme: vullnetin e qytetarëve për t’u përfaqësuar nga një zë i afërt me ta, i hapur, i dashur dhe mbi të gjitha i ndershëm.
Sot, pas vendimit të partisë për të më renditur më poshtë në këtë proces zgjedhor, ndjej të nevojshme t’ju drejtohem me qartësi dhe respekt. Ky është një vendim i brendshëm i strukturave partiake, i marrë sipas kritereve të tyre të brendshme, të cilat, për fat të keq, nuk pasqyrojnë gjithmonë drejt rezultatet apo angazhimin në terren.
Çfarë dua t’ju them është kjo: renditja në një listë zgjedhore nuk e përcakton vlerën e punës sime, as besimin tuaj.
Kam zgjedhur ta shoh këtë jo si humbje, por si një përgjegjësi shtesë për të dëshmuar se politika mund të bëhet me integritet, punë dhe dinjitet.
Ju faleminderit për besimin, mbështetjen dhe forcën që më jepni çdo ditë. Rruga jonë e përbashkët vazhdon — me të njëjtin përkushtim, vizion dhe bindjen se vlerat nuk i përcakton renditja, por puna dhe rezultati.
Me respekt të thellë,LDK 123
Dr. Besim Guda 98
