Drejtoresha e Arsimit në Gjilan, Albana Demiri, pas raportimeve të ‘Radios Star’ në lidhje me organizimin e ekskursionit në Shqipëri, ka reaguar përmes një shkrimi në ‘Facebook’, duke u munduar të largojë fajin nga vetja rreth kësaj qështje shkruan Radio Star.
Drejtoresha Albana Demiri ka thënë se DKA, nuk merret me tenderimin ose organizimin e llojit të ekskursioneve dhe nuk ofertonëkompani, por këtë pakënaqësi e kanë adresuar nxënësit ndaj saj insititucionit të cilin e drejtonë, duke thënë se nga ta po bëhet e gjithë ky proces.
Shkrimi i plotë:
Të nderuar prindër dhe nxënës,
Siç edhe e dini të gjithë, para disa muajve, Kryetari i Komunës z.Alban Hyseni, ka marrë vendim për anulim të ekskurzionit për maturantët për shumë arsye;
çmimet e papërballueshme për prindërit; dukuritë negative të cilat kanë ndodhur në të kaluarën, e problematika të ngjashme të cilat për një Kryetar Komune të përgjegjshëm do të duhej të ishin përgjegjësi e barrë mbi supet e tij sikur tani.
Pas disa takimeve me këshillin e nxënësve, e këshillat e prindërve, nxënësit kanë qenë të lirë të zgjedhin, pra të propozojnë vendin të cilin dëshirojnë ta vizitojn!
Secili insititucion i arsimit të mesëm, ka shpallë ofertë me agjendën të cilën e kanë propozuar vet shkolla. Pas mbylljes së afatit duke respektuar udhëzimin administrativ në fuqi, në Drejtorinë e Arsimit janë hapur ofertat e tenderuesve sipas Udhezimit. Më pas Drejtorët e shkollave kanë njoftuar nxënësit e shkollave për çmimet e ofruara nga ana e kompanive, ku një pjesë e madhe e tyre janë deklaruar se nuk janë të gatshëm të marrin pjesë në ekskurzion, si pasojë e çmimeve.
Këto shqetësime janë ngritur në Drejtorinë e Arsimit nga drejtorët e shkollave, me ç’rast unanimisht është marrë vendimi që ekskurzioni të anulohet.
Sqarim: Drejtoria e Arsimit as nuk tenderon për ekskurzion, e as nuk oferton për kompanitë!
