Drejtori i Arsimit në Gjilan, Nazim Gagica ka shprehur ngushëllime për vdekjen e pedagogut Nexhmedin Selimit.
Me pikëllim të thellë morëm lajmin për ndarjen nga jeta të më të dashurit tuaj, Nexhmedin Selimit.
Profesori Selimi shquhet për rezultate të mira në fushën e edukimit të gjeneratave të reja, për çka u vlerësua disa vite rresht, humbja e tij është humbje e madhe për arsimin në Gjilan.
Përkushtimi në punë në secilën detyrë që i është besuar, madje edhe në kohë të vështira për arsimin në përgjithësi, si dhe dashuria për profesionin, bëjnë që profesor Selimi të mbetet në kujtesën e gjeneratave të tëra, të miqve, kolegëve.
Ju lutem që në emër të Drejtorisë së Arsimit në Gjilan, dhe në emër timin, t’i pranoni ngushëllimet më të sinqerta”.
