Drejtori për Bujqësi dhe Pylltari në Gjilan, Bajram Isufi dhe zyrtarët profesional, Naser Muji dhe Ejup Byqmeti, ka vizituar ekonomitë bujqësore – pemëtare në fshatin Kravaricë dhe Gumnishtë, përkatësisht ‘’Fruitkos’’ e cila posedon 10 hektarë (ha) mollë, 5 ha dardhë, 2 ha vishnje, 1ha arrë, si dhe pemishtja “Dhëmetra’’ që posedon 26 ha kumbull dhe 30 ha vishnje.
Drejtori Isufi ka njoftuar se pemishtet janë tashmë në kultivim intensiv.
“Pemishtet kryesisht janë në kultivim intensiv, gjendja e pemëve është mjaftë e mirë dhe deri më tani nuk ka dëmtime nga temperaturat e ulëta, masat agroteknike të realizuara në tërësi si krasitja, spërkatja dimërore etj. Kërkese e pemëtarëve është mbështetja institucionale me subvencione dhe grante si dhe rregullimi i infrastrukturës e sidomos asaj rrugore e cila ju mungon deri në pemishte”, ka thënë Isufi.
