Para pak çasteve, ‘Radio Star’, nga burimet e saja ka mësuar se pjesërisht ka filluar mësimi në Shkollën e Mesme Ekonomike “Marin Barleti”, por e vërteta është se një profesor i kësaj shkolle, ka thyer grevën dhe ka filluar të mbajë mësim.
Drejtori i shkollës “Marin Barleti”, Fadil Kqiku, e mohon një gjë të tillë dhe tregon se vetëm një profesor ka kundërshtuar grevën dhe në mënyrë të njëanshme ka filluar mësimin.
Në një prononcim për ‘Radion Star’, drejtori i kësaj shkolle Fadil Kqiku ka thënë, “Për korrektësi dhe për hirë të opinionit, ju informoj se sot në shkollën tonë, “Marin Barleti”, Gjilan, në ndrrimin e dytë një nga mësimdhënësit tanë, ka deklaruar se nga sot do të filloj me procesin mësimor dhe i ka mbajtur 2 orë me 1/4 e nxënësve të regjistruar.
Ftoj gjitha mediat, që opinioni e veçmas nxënësit dhe prindërit të cilët edhe ashtu janë të shqetësuar për situatën në të cilën ndodhemi të informohen në mënyrë reale dhe të veprojn sipas ligjeve në fuqi dhe jo nga i informatat një burimore”./RadioStar/
