Skuadra e FC Dritës ka barazuar 0-0 në përballjen si mysafire ndaj Feronikelit ’74 në stadiumin “Rexhep Rexhepi” në Drenas.
Ndeshja u zhvillua në kuadër të javës së nëntë të Superligës së Kosovës, ku të dyja skuadrat patën disa raste të mira shënimi, por mungesa e finalizimit dhe mbrojtjet solide i lanë portat e paprekura.
Ky rezultat nuk i shërbeu plotësisht asnjërës skuadër. Pas javës së nëntë, FC Drita renditet në pozitën e pestë në tabelë me 14 pikë të grumbulluara, duke humbur mundësinë për t’u afruar me skuadrat kryesuese. Feronikeli ’74, nga ana tjetër, mbetet në fund të tabelës me vetëm dy pikë, duke vazhduar të kërkojë fitoren e parë të sezonit.
