Skuadra gjilanase Fc Drita, sot pati një paraqitje fantastike ndaj Prishtinës, ku gjithë ndeshjën pothuajse e dominoi.
Pjesa e parë i takoi Dritës, e cila e dominoi gjithë pjesën e parë ku pati mundësi të mirë të shënonte nga penalti, Almir Ajzeraj u pengua brenda zonës por gaboi nga pika e bardhë mesfushori Erjon Vucaj, ku gjuajtjen e tij e priti portjeri Eglant Haxho.
Drita edhe në pjesën e dytë të takimit filloi mirë, Xhevdet Shabani gjuajti nga ndërprerja e lirë por priti Eglant Haxho i cili sot ishte më meritori që Prishtina nuk pësoi nga Drita.
Skuadra gjilanase kishe mundësi të mira shënimi por që sot fati ishte në anën e Prishtinë.
Barazimi e lë Dritën në pozitën e dytë me 23 pikë, tri më pak se lideri Ballkani./RadioStar/
