Të dielën në fundjavë zhvillohet njëri ndër derbit më të mëdhenj në vendin tonë ndërmjet Dritës dhe Gjilanit.
Të dy skuadrat tashmë kanë mbyllur përgatitjet për këtë takim, ndërkohë që me të drejtë presin edhe të realizojnë objektivin që kanë pranë vetes për këtë takim, shkruan Gazetasheshi.com
Ndërsa, Drita ka dal me një komunikatë të rëndësishëm pak para ndeshjes me Gjilanin. Pas jemi në një situatë të vështirë, shkak pandemisë COVID-19 tifozët nuk do të lejohen në stadium dhe numri i personave të mediave do të jetë i limituar, ku do t’i zbatojmë në maksimum të gjitha protokollet dhe rekomandimet e Federatës së Futbollit të Kosovës dhe Institutit Kombëtar të Shëndetit Publik në vend, thuhet mes tjerash në komunikatën e publikuar nga Drita.
Komunikata:
KOMUNIKATË PUBLIKE
FC DRITA njofton gjithë opinionin e gjerë mbarë vendit në lidhje me organizimin e ndeshjes derbi në fundjavë ndaj rivalit lokal SC Gjilani për masat dhe mekanizmat e ndërmarra për këtë takim.
Për shkak të pandemisë globale “Covid-19” e cila është prezent në gjithë Evropën dhe jo vetëm në vendin tonë, jemi konsoliduar që t’i zbatojmë në maksimum të gjitha protokollet dhe rekomandimet e Federatës së Futbollit të Kosovës dhe Institutit Kombëtar të Shëndetit Publik në vend.
Hyrja në stadium dhe afër hapsirave të stadiumit do të jetë rreptësisht e ndaluar për tifoz, gjithnjë për shkak të masave “Anti-Covid-19”.
Numri i personave zyrtar dhe i mediave gjithashtu do të jetë i limituar sipas protokollit prandaj kërkojmë mirëkuptimin e gjithë atyre që kërkojnë të jenë prezent në stadium.!
FC DRITA mbetet e përkushtuar që të rrespektojë masat dhe protokollet e parapara të institucioneve qendrore në vend, duke dëshmuar edhe njëherë lidership në organizimin e eventeve edhe në kushte të tilla pandemie!
FC DRITA⚪️?
