Dy kosovarët nga Suhareka që dje deklaruan se do të shkojnë në Ukrainë për të luftuar kundër Rusisë, raportohet se janë kthyer mbrapsht në Poloni.
Ata raportohet se janë marrë në pyetje për mbi 4 orë nga autoritetet polake, lidhur me motivet se pse duan ta kalojnë kufirin mes Polonisë dhe Ukrainës.
Pasi ata kanë thënë se duan t’i bashkohen luftës, autorietet polake i kanë kthyer mbrapsht.
Sipas informacioneve të këtij televizioni, dy kosovarët tash janë rrugës për në Gjermani.
“… i kanë marrë në pyetje më shumë se 4 orë për motivet për ta kaluar kufirin mes Polonisë dhe Ukrainën dhe kur iu kanë thënë se duan të shkojnë të luftojnë në Ukrainë kundër Rusisë, kjo i ka alarmuar autoritetet polake, të cilat i kanë kthyer mbrapsht. Të dy këta persona kanë pasur pasaporta të Republikës së Kosovës dhe kanë pasur viza Shengen. Sipas informacioneve, ata janë rrugës për në Gjermani, por jo domosdoshmërisht kanë hequr dorë nga vendimi për të shkuar e luftuar me Ukrainën”, ka thënë gazetari Xhemajl Rexha.
