Superliga vazhdon edhe sot (e diel), në orar janë dy ndeshje, shkruan Sheshi.info
Ndeshja kryesore e javës së 13-të do të zhvillohet në Anamoravë, pasi aty do të përballen Gjilani dhe Prishtina. Beteja në mes kuqebardhëve dhe bardhekaltërve do të ketë për objektiv pikët e plota.
Kjo ndeshje do të zhvillohet nga ora 13:30.
Ndërsa në Klinë, Dukagjini sfidohet nga Feronikeli. Bardhegjelbërit kërkojnë fitore për të iu hakmarruar ‘industrialistëve’ nga humbja e pësuar në ‘Rexhep Rexhepi’, derisa edhe Nikli dëshiron pikët e plota në këtë përballje.
Kjo ndeshje zhvillohet nga ora 13:00. Sheshi.info do të ju mbaj të informuar në kohë reale për çdo ndryshim të rezultatit.
