Gjatë ditës së sotme, në moshën 33-vjeçare, ka vdekur gazetarja e RTK-së, Ardita Sylejmani.
Mësohet se gazetarja Sylejmani ka vdekur në kryeqytetin hungarez, Budapest, dhe se vdekja ka ndodhur gjatë procesit të lindjes.
Për vdekjen e Arditës ka reaguar edhe komuniteti i gazetarëve të Kosovës, të cilët janë shprehur të tronditur për ndarjen e parakohshme nga jeta të koleges së tyre.
Po pa dyshim se lajmin më së rëndi e kanë pranuar ata që për vite kanë punuar drejtpërdrejt me Arditën.
Moderatorja e RTK-së, Edona Musa, nuk ka mundur të mbajë lotët kur ka dhënë lajmin për ndarjen nga jeta të koleges së saj.
