Dita e shtunë ka qenë fatale për jetën e katër personave. Në dy aksidente të ndryshme kanë humbur jetën katër persona.
Njëri aksident ka ndodhur në Duhël ku kanë humbur jetën tre djem të ri. Në këtë aksident janë përfshirë një makinë e tipit Golf 6 dhe dy kamion.
Tre personat që mbetën të vdekur janë S.T viti i lindjes 1996, L.R viti i lindjes 1998, V.H viti i lindjes 1999
Ndërsa në aksidentin tjetër ka humbur jetën një person në Vitomericë të Pejës, shkruan Gazeta Monitor.
Rreth orës 12:15 në rrugën Pejë-Istog, në dalje të fshatit Vitomiricë, ka ndodhur një aksident trafiku me fatalitet. Nga ky aksident ka vdekur N.R, 63 vjeçar dhe janë lënduar rëndë dy gra. Njëra po trajtohet në spitalin e Pejës e tjetra është dërguar për QKUK.
“Në këtë aksident ishin të involvuara dy automjete, një ‘Mercedes’ dhe një ‘VË’, si pasojë e aksidentit një person ka ndërruar jetë në vend të ngjarjes sipas ekipit mjekësor i cili ka konfirmuar vdekjen e viktimës, N.R. m/k/sh rreth 63 vjeçar, ndërsa dy persona (femra) janë të lënduara, njëra nga të lënduarat për shkak të lëndimeve të rënda është dërguar ne QKUK për trajtim të mëtutjeshëm ndërsa e lënduara tjetër është duke u trajtuar ne Spitalin Rajonal-Pejë”, tha policia. Trupi i viktimës është dërguar për obduksion.
Vetëm gjatë këtij viti në Kosovë nga aksidentet kanë humbur jetën mbi 20 persona.
Kurse, në vitin 2018 në Kosovë kanë ndodhur rreth 15 mijë aksidente, në Kosovë kanë humbur jetën 122 persona në aksidente trafiku.
Në bazë të të dhënave zyrtare të Policisë së Kosovës nga tërë këto aksidente kanë humbur jetën 122 persona.
Duke e krahasuar numrin e vdekjeve në aksident me vitin 2017, gjatë vitit 2018 kanë qenë tre raste më shumë, pra në vitin 2017 nga aksidentet në trafik kishin humbur jetën gjithsej 119 persona.
Ndërkaq, numri i aksidenteve me persona të lënduar dhe pa persona të lënduar arrin në 15 mijë aksidente. Prej tyre rreth 6 mijë aksidente me të lënduar , ndërsa, mbi 9 mijë vetëm me dëme materiale
Përderisa janë shqiptuar rreth 400 mijë tiketa trafiku për shoferët që kanë bërë kundërvajtje në trafik.
