LDK në Gjilan pritet që gjatë muajit janar të mbajë Kuvendin e Jashtëzakonshëm Zgjedhor, në një periudhë të ndjeshme për degën lokale të kësaj partie shkruan Radio Star.
Radio Star mëson se përgatitjet për këtë proces tashmë kanë nisur brenda strukturave partiake.
Ky zhvillim vjen pas zgjedhjeve të 28 dhjetorit, për shkak të rezultateve të dobëta, si dhe pas dorëheqjes së njërës prej anëtareve më të vjetra të LDK-së, e cila ka hequr dorë nga çdo aktivitet partiak dhe tashmë është kandidate e pavarur për Kuvendin Komunal të Gjilanit, Aferdita Balaj-Ajdini.
Burime të Radio Star bëjnë të ditur se brenda partisë është thirrur Kuvendi i Jashtëzakonshëm Zgjedhor gjatë këtij muaji, ku pritet të diskutohen rezultatet e zgjedhjeve të fundit dhe largimet nga partia./radiostar/
