Kush është Ema Aliu:
Ema Aliu ka lindur më 20 maj të vitit 1999 në Gjilan. Është studente e Letërsisë në Universitetin e Prishtinës. Ka qenë e përfshirë në disa organizata studentore që për kauzë kishin trajtimin e duhur të studentëve.
Është adhuruese e letërsisë dhe politikës, prandaj ka vendosur të aktivizohet në Lëvizje, ku krijoi bindjet politike dhe përvojën më të mirë të një nisme të mbarë si aktiviste politike.
Ajo zotohet, se si aktiviste do të angazhohet që politikat dhe vendimet e Qeverisjes së VETËVENDOSJE!-s në Komunën e Gjilanit, ta kenë në epiqendër qytetarin. Komunës tonë i mungojnë hapësirat adekuate shkollore për nxënës, bibliotekës për shumë vite i mungojnë titujt e rinj, sportistëve i mungojnë hapësirat dhe kushtet për sport, prandaj këto edhe do të jenë disa nga çështjet që ajo do t’i trajtojë me prioritet.
Ema, në listën fituese të Lëvizjes VETËVENDOSJE!, garon me numrin 19.
