I dërguari special i SHBA-së për Ballkanin Perëndimor, Gabriel Escobar, tha se shpreson që së shpejti të hiqen barrikadat në veri të Kosovës, që serbët të kthehen në institucionet e Kosovës.
Në një intervistë për N1, ai tha se formimi i Asociacionit të Komunave me Shumicë serbe është paraparë me marrëveshjen ndërmjet Kosovës dhe Serbisë, ndërsa u shpreh se njëra palë nuk duhet të heqë dorë nga ajo.
“Nëse qeveria nuk fillon ta bëjë këtë, ne do ta bëjmë. Unë do të punoj me ata njerëz për ta bërë atë realitet”, tha Escobar.Kur u pyet nëse ky ishte një paralajmërim për kryeministrin e Kosovë, Albin Kurtin, Escobar thotë se e kishte informuar.
“Njerëzit i dinë mundësitë e ASK-së. Mitrovica e Veriut është në kufirin e katër vendeve, dhe sa i përket biznesit, mund të bëhet një zonë pa taksa për Ballkanin e Hapur ose diçka të ngjashme. Asociacioni do të ndihmojë të gjitha vendet në rajon. Ka elemente për optimizëm. Ne kemi nevojë për një zgjidhje më të qëndrueshme.
Ne duam që kjo zgjidhje të jetë më e përhershme”, tha Escobar.Duke folur për barrikadat në veri, ai tha se i ka dëgjuar shqetësimet e njerëzve që i kanë vendosur dhe se ato janë legjitime.
“Dëshirojmë të punojmë me komunitetin serb në veri të Kosovës, për të përmbushur kërkesat e tyre.
Ka një mënyrë për të ecur përpara, ashtu siç ka një arsye pse vendosin barrikadat dhe pse do t’i heqin ato. Po ashtu serbët duhet të kthehen në institucionet e përbashkëta, sepse ata janë të nevojshëm atje.
Mendoj se në të ardhmen e afërt, kjo do të ndodhë”, thotë Escobar.Sipas tij, prioritet është gjetja e një zgjidhjeje për të gjithë rajonin, jo vetëm për Kosovën dhe Serbinë.
“Shpresoj se do të jetë brenda disa ditësh”, tha Escobar.
Duke folur për planin gjermano-francez, Escobar thotë se prioritet është gjetja e një zgjidhjeje për të gjithë rajonin, jo vetëm për Kosovën, dhe se SHBA-ja e konsideron Ballkanin Perëndimor pjesë të rëndësishme të komunitetit euroatlantik.
“Kur flasim për targa apo karta identiteti, ato duhet të jenë dokumente që shkojnë kudo. Në vend që të diskutojmë për dokumente, le të flasim për heqjen e nevojës për ato dokumente. Ka mundësi reale për të nxjerrë mësime dhe për të gjetur zgjidhje për qytetarët”, tha ai.
Siç thotë ai, fakti është se Beogradi ka një ndikim të madh në popullatën në veri dhe duhet, sepse ata nuk janë vetëm qytetarë të Kosovës, por edhe të Serbisë.
“Ata kanë të drejtë të plotë për mbrojtjen e institucioneve të Kosovës dhe për të marrë pjesë në jetën politike të Serbisë. Ne duhet të gjejmë një zgjidhje për atë komunitet. Para së gjithash, duhet të jetë në dorën e serbëve vendas, ata duhet të merren me këtë situatë, duhet të kenë rolin kryesor, të ankohen për cenueshmërinë e tyre, duam që të jenë në struktura që të kenë ndikim nga brenda. Janë përfaqësues legjitimë të komunitetit”, tha Escobar.
I pyetur nëse Vuçiq ka hequr dorë nga kërkesa e KFOR-it për dërgimin e ushtrisë, ai thotë se kjo krizë nuk duhet të militarizohet.“Nuk është koha për të përdorur ushtrinë, por diplomacinë”, tha ai dhe shtoi se deklarata se SHBA-të i japin garancitë e sigurisë Kosovës nuk është kërcënim për Serbinë, sepse ato garanci i kanë edhe serbët në Kosovë.
“Ne nuk do të lejojmë askënd nga Kosova të kërcënojë Serbinë apo të kërcënojë stabilitetin e veriut të Kosovës”, tha Escobar.Ai përsëriti se nismat si Procesi i Berlinit dhe Ballkani i Hapur mund të krijojnë mundësi më të mëdha për rajonin.
“Kjo nënkupton se Serbia dhe Kosova janë të njohura, se kanë nevojë për një marrëdhënie paqësore. Nuk e di se si do të bëhet. Mendoj se të gjitha vendet duhet të njohin njëri-tjetrin dhe të përpiqen për integrim në BE. Çfarë marrëdhëniesh do të ekzistojnë hapet mundësitë dhe kjo është ajo që duam ne do të arrijmë”, përfundoi Escobar.
