Sportistët/et e Gjilanit, meritojnë më shumë!
Qyteti i Gjilanit shquhet si qytet i sportit dhe i sportdashësve, mirëpo fatkeqësisht qeverisjet tona nuk po e kanë përkushtimin e nevojshëm për këtë fushë. Sportin jo vetëm që nuk e përkrahin sa duhet financiarisht, por nuk gjejnë kohë ta përkrahin as me pjesëmarrje në ndeshjet e rëndësishme siç ishte ajo mbrëmë.
Ishim dëshmitarë të finales së volejbollit në kategorinë e vajzave, në mes të KV DRITA dhe KV SKENDERAJ, ku gjilanaset tona u shpallën kampione të Kosovës për herë të tretë rradhazi.
Ndeshja zhvillohej në Gjilan. Asnjë përfaqësues i ekzekutivit komunal nuk ishte prezent.
Kryetari jo që jo, por as përgjegjësi nga njësia për kulturë, rini e sport. Kurse, volejbllistet nga Skenderaj përkraheshin nga nënkryetari i komunës së tyre, Drejtori i Kulturës, Rinisë dhe Sportit, ish kryetari i Komunës Sami Lushtaku dhe familjarë të tyre.
Me gjasë pushtetarët tanë komunal ishin të zënë me formim të koalicionit, sepse shkoi gati gjysmë viti pa kabinet qeverisës, pa drejtorë të emëruar.
Urime vajzave te KV Dritës, urime trenerit Lorik Ilazi dhe zv.trenerit Valon Zymberi që pavarësisht sfidave po e mbajnë gjallë klubin Urime “Intelektualëve” që ngjallën emocione dhe motivuan lojtaret pandërprerë deri në fitoren e turp për udhëheqësinë komunale.
Festa Shabani
Këshilltare komunale e pavarur
