Kush e përmend futbollin në Kosovë menjëherë mendja i shkon tek legjenda, tanimë i ndjerë Fadil Vokrri.
Vokrri kishte bërë shumë shqiptarë të dashuroheshin me futbollin kur në kohën e tij shkëlqente duke luajtur sportin më të bukur në botë.
Por ish-kryetari i FFK-së kishte dhënë kontribut të jashtëzakonshëm për pranimin e Kosovës në UEFA e FIFA.
Por është një person që gjithmonë i ka qëndruar afër legjendës Vokrrit në të gjitha proceset për pranimin e vendit tonë.
Fjala është për Flamur Bunjakun, një afarist i suksesshëm nga Kosova që jeton dhe vepron në Zvicër.
Vokrri dhe Bunjaku në kongresin e FIFA-s kur u pranua Kosova me të drejta të plota në vitin 2016
Bunjaku ka qenë krahu i djathtë i Vokrrit, derisa kontributi i tij për pranimin e Kosovës në dy shtëpitë më të mëdha të futbollit siç janë UEFA e FIFA.
Ai ka qenë që nga viti 2016 pjesë e Komitetit Ekzekutiv të FFK-së, por tani ka dhënë dorëheqjen.
Gazeta Olle ka mësuar ekskluzivisht se Flamur Bunjaku ka dhënë dorëheqje të parevokushme nga pozita si anëtar i KE të FFK-së.
Bunjaku i ka bërë të qartë Komitetit Ekzekutiv dhe kryetarit të FFK-sê, Agim Ademit se ka dhënë dorëheqje shkaku i zhvillimeve të fundit dhe debateve në shtëpinë më të madhe të futbollit kosovar e që nuk ka qenë fare i njoftuar.
Ndër të tjera Flamur Bunjaku tha se kontributi i tij ka qenë vullnetar dhe kontributdhënës pa përfituar asgjë.
Ai ka falënderuar të gjithë për mbështetjen dhe bashkëpunimin gjatë kësaj kohe. Gazeta Olle
