Në një sezon të jashtëzakonshëm për futbollin kosovar,FC Drita nga Gjilani është shpallur kampione e Superligës së Kosovës për edicionin 2024/25, duke siguruar titullin disa javë para përfundimit të kampionatit . Ky sukses është rezultat i punës së palodhur të ekipit dhe mbështetjes së vazhdueshme nga sponsorët besnikë, siç është Frostea. 
Frostea, brendi ynë i dashur i Ice Tea, ka qenë një mbështetës i palëkundur i Drita FC gjatë gjithë sezonit. Ky partneritet nuk është vetëm një bashkëpunim komercial, por një lidhje që përfaqëson vlerat e përbashkëta të përkushtimit, pasionit dhe suksesit.
Në festën e madhe që do të mbahet sonte në qytetin e Gjilanit për të festuar këtë arritje të jashtëzakonshme, Frostea do të jetë pjesë e gëzimit, duke ofruar freskinë e saj unike për të gjithë të pranishmit. Ftojmë të gjithë tifozët dhe dashamirësit e sportit të bashkohen në këtë festë dhe të shijojnë momentet e paharrueshme së bashku me kampionët e rinj.
Frostea beson në fuqinë e sportit për të bashkuar komunitetet dhe për të frymëzuar brezat e rinj. Përmes mbështetjes sonë për Drita FC, ne synojmë të promovojmë një kulturë sportive pozitive dhe të inkurajojmë të gjithë që të përkrahin sportin në forma të ndryshme.
Urime Drita FC për titullin kampion! Jemi krenarë që jemi pjesë e këtij suksesi dhe presim me padurim arritjet e ardhshme së bashku.
