I dyshuari për vrasjen e Agonis Tetajt, Shaban Gogaj ka arritur në sallën e gjykimit në Gjykatën Themelore në Pejë nën praninë e shtuar të policisë së Kosovës, raporton Gazeta Express.
Në sallën e gjykimit i pranishëm është edhe avokati i Gogajt, Besnik Berisha.
Ndërkaq, është refuzuar kërkesa për përjashtim të trupit gjykues nga kryetari i Gjykatës së Pejës, Armend Berisha, ku babai i të ndjerit Agonis Tetaj, Isuf Tetaj, kishte kërkuar përjashtimin e trupit gjykues në trajtimin e rastit ku djali i tij mbeti i vrarë në vendin e punës nga i akuzuari Shaban Gogaj.
